Thla 42 chhunga zawh tur Manipur Highway

Manipur-a Imphal-Tamenglong Highway siamna tur sum cheng vaibelchhe 1,114 chu pekchhuah a ni tawh niin Hindustan Construction Company (HCC) chuan a sawi. Manipur-a Highway siam tur hi Asian Highway 1 zinga mi a ni.

Highway siam hna hi Manipur Public Work Depart-ment (PWD) ten an thawk dawn a, hna hi thla 42 chhunga zawh hman tur a ni ang. Imphal aṭangin ṭan a ni ang a, Tamenglong-ah a tawp ang. Kawngpui thui zawng tur hi km 111 a ni a, Asian Development Bank aṭanga sum hmuh hmanga siam tur a ni.

Imphal-Kangchup-Tamenglong highway siam tur hi Manipur atanga East West Corridor kal pawhna hnai ber tur a ni ang. He kawngpui hi siam zawh a nih chuan Guwahati-Imphal inkar pawh km 90 laiin a tawi phah dawn a ni.