Imphal-ah NST Bus Station khar a ni

Naga Students’ Fede-ration (NSF) te thil tih chhanlet nan All Manipur Students’ Union (AMSU) te chuan nimin khan Imphal-a Nagaland State Transport Bus Station office an khar. Hei bakah hian North AOC-a bus pahnih tlan chu dan an rel.

AMSU general gene-ral secretary Manjit Sa-rang-them chuan thuthar thehdarhtute hnehah, NSF ten Manipur leh Meitei lirthei engngemaw zat an dan mek chu an tawp san loh chuan Manipur-a Nagaland Office awm te chu an khar vek tur thu a sawi.

Manjit chuan AMSU chuan NSF chu a zah a, mahse hnam bil anga thil tih hi an dodal tih a sawi a, sorkar laipui pawhin an thli tih chu tawp san turin a lo ngen tawh a ni, a ti. Manipur Deputy Chief Minister Gaikhangam pawhin Manipur Assembly a hrilh danin state police official te chu Nagaland-ah he thil chungchanga inbiakna nei turin tirh an ni tawh tih nimin khan a sawi.

NSF te hian Manipur sorkar laka an thilphut te tih hlawhtlin a la nih loh avangin Ningani zing dar 6 atang khan National High-way 2-ah Meitei hnam bikte lirthei a dang a ni.