GNLA camp atangin puak thei thil man a ni

Ningani khan Me-ghalaya-a Durama Hills-a Garo National Liberation Army(GNLA) Camp atang-in Improvised explo-sive device (IED) leh petrol bomb tam tham tak man a ni.

Meghalaya Police-te chuan helho camp pahnih aṭangin IED chak chi 45 leh petrol bomb 11 te hi an man a ni. Meghalaya police SWAT team chuan ralthuam man tum hian ngawrh takin an zawng a, Williamnagar aṭanga km 15 vela hla ramngaw-ah an man ta ni.

Police ten camp pahnih an luhchhuah hnu hian a bul vel chu dapin heng puak thei thil thahnem tak hi an man ta a ni. Camp pakhatah Improvised Explosive Devices 29 leh petrol bomb 11 an man a, a dang IED 16 te hi cam danga an man a ni.

Camp pahnih te hi inhlat lo tea awm an ni a, a chheh vel bial chu police-ten an dap chhunzawm nghal bawk. Police-te chuan Williamnagar bul ramngaw chhah takah hian ralthuam engemaw zat a la awm ngei an ring.