NSCN-K (YA)-in Konyak region-a an hruaitu tur ruat

Myanmar-a hmunpui nei, NSCN-K (Yung Aung) chuan council headquarters-a emergency meeting an neih hnuin Konyak region-a an chetnate thlithlai leh endik turin hruaitu an ruat.

NSCN-K(YA) deputy, Kilonser leh self-styled Col. (Rtd.), Joseph te chuan Peoples' Council-in acting chairman atana Tikling Konyak leh acting vice chairman atana Tolong Konyak an ruat thu hi an puang a,"Hruaitu kan ruat tharte hian Konyak region-a thuneitu nihna chu thla ruk chhung atan an chelh lailawk ang" an ti. Joseph chuan an pawlin hruaitu thar an ruat hmang chuan helai biala an beiseina leh hma lam pan tura an tumna leh theihna te chhem alh thar a nih ngei theih a beisei thu a sawi.

NSCN-K(YA) te hi kumin June thla khan an phel a, SS Khaplang personal secretary hlui leh self-styled major general (rtd.), Ang Mai te chu NSCN-K(YA) aṭanga chhuak NSCN-K hruaitu atan ruat an ni. NSCN-K(YA) chuan anmahni aṭanga chhuakte chu Naga zalenna sualna kawnga Indian intelligence ang chauh an nih thu sawiin, Eastern Naga mipuite duh leh beisei em em tana thil hnawk tak leh zalenna sualna kawng daltu an nih theih thu an sawi . NSCN-K te chu intel hrang lo a,an pawl chu ṭhiata inpe mai turin an ti bawk.