Brahmaputra-a ferry service titawp lailawk

Assam Inland Water Transport Department chuan Guwahati-a Brahmaputra luia ferry service, chhim leh hmar lama khawmual kalna chu tihtawp lailawk a nih thu a puang.

Lui tui a tlem avangin ferry-te tan hian a him lo thei niin Inland Water Transport department thuchhuah chuan a tarlang a, thuneitute chuan ferry hmangtute tana him zawkna kawng dang an dap mek thu an sawi. Ferry service tihtawp a nih thut chhanah hian khaw mite leh helaia ferry hmangtute chuan Durga Puja lai a nih avanga tuia milem theh thangte nen inzawmna nei ngeia an ngaih thu an sawi thung.

Brahmaputra luia ferry service hi mi sang telin an hmang ṭhin a, veivahna atan bera hmang an tam avangin tuna tihtawp a nih hian mi tam tak a nghawng a ni. Thuneitute chuan ferry service hi kalpui leh vat tum a nih thu sawi mah se a hun mumal tak tarlan a ni lo. Helai hmuna chengte leh veivahna atana hmangte chuan ferry service chhunzawm a nih leh hun tur hi chiang taka sawi turin thuneitute hi an phut a ni.