MSME-in Nagaland ṭanpui dawn

Union Minister Kalraj Mishra chuan Zirtawpni khan Nagaland-in Micro Small and Medium Enterprises lamah hma a sawn zel theih nan Union Ministry of Micro Small and Medium Enterprises (MSME) chuan a ṭanpui dawn tih a sawi.

He thu hi North East Region Conclave on MSME a hmanpuina-ah a sawi. Minister chuan state sorkar te nen thawhhona ṭha a awm phawt chuan scheme leh policy engemaw zat hmarchhak state tan siam a ni ang a, hei hian sector lamah hmasawnna a thlen ngei ang, a ti.

Kalraj Mishra chuan, "Ram chhungah Micro Small and Medium Enterprises tih hmasawn nan skill training-na hmun tur World Bank nen ṭangkawpin Technology Centre hmun 15-ah a din mek. He mi atan hian cheng vaibelchhe 2,200 ruahman niin heng zinga pahnihte hi hmarchhak state Arunachal Pradesh leh Manipur-ah te din a ni" a ti.

Ministry chuan scheme thar ASPIRe a duang leh mek a, hei hi technology lama hmasawnna tur leh interpreneurship tih chak nan a ni. Hmarchhak state tan Livelihood Business Incubators (LBIs) 9 chu din remtih a ni tawh a, a dang 4 din tuma hmalak leh mek a ni bawk. Nagaland tan Khadi Plaza dinna tur chengvaibelchhe 6 pek a ni dawn tih Minister chuan a sawi bawk.

He Conclave-ah hian Nagaland Chief Minister TR Zeliang, KVIC, MSME official te leh hmarchhak state aiawh te an tel a ni.