Manipur-ah ralthuam leh mi pali man

Manipur police-te chuan nimin khan Manipur hmun hrang hrangah security force-te'n mi pali an man thu sawiin, an zinga mi pahnih hi hel pawla mi an ni a, an mi mante kut aṭang hian silai leh a mu eng emaw zat an man tel bawk a ni.

"Churachandpur district-ah mi pahnih man an ni a, an kut aṭang hian silai pakhat leh a mu, round 25 daih an man tel bawk" tiin, an mi mante pahnih hi Kangpokpi district-a mi, Kammin Hangshing leh Kammin Sei te an nih thu an sawi. Heng mite pahnih hi motor-a an tlan lai Torbung Bangla checkpost-ah tihdin niin, Churachandpur police station-ah thu zawh fiah tura dah an ni. Police-te hian United National Liberation Front (UNLF) mi leh sa pahnih, Imphal east leh Imphal West aṭangin an man bawk a, an kut aṭang hian 9mm pistol pakhat leh a mu round 143 an man tel bawk. Police-te chhuina aṭang chuan heng an mi mante pahnih hian mipuite pawisa tihluihnain an laksak ṭhin nia hriat a ni.

Security force-te hian Thoubal district-a Chandrakhong area-a awm, tlang bul ṭhut dap chhuah hna an thawk a, helai hmun an dapnaah hian INSAS rifle nakah, 9mm pistol, silai mu leh puakthei thil eng emaw zat an man tel niin an sawi bawk.