Secretariat Building A hun takah peih a ni ang : Pul

Arunachal Pradesh Chief Minister thar Kalikho Pul chuan kum 10 chuang zet Civil Secretariat leh Legislative Assembly building sak mek tih khawtlai chu chhunzawm vat a nih tur thu leh, a hun takah peih hman a nih tur thu a sawi.

CM hian he thu hi Pathianni khan sawiin, Pul chuan,"Secretariat leh Assembly building te hi April 20 aṭangin sak chhunzawm a ni ang a, Au-gust 14-ah zawh fel hman tur a ni" a ti. September thla-ah chuan heng building tharah te hian Assembly Session hi neih hman tum a ni a, hemi tur hian Public Work Department leh Construction Agency te chuan hna an thawk dawn a ni, a ti bawk.

Kum 2009 khan Civil Secretariat sakna atana hian sum cheng vaibelchhe 91.86 ruahman a ni a, mahse hei hi kum 2016-ah chuan cheng vaibelchhe 198.56 ah tihpun a ni. Assembly building atana sum ruahman vaibelchhe 51.81 chu vaibelchhe 119.50 -ah tihpun a ni bawk tih CM chuan a sawi.