School zirtirtu 6,700 dah nghet dawn

Assam State Cabinet chuan nimin khan school zirtirtu 6,700 contract a thawk mekte dahngheh an nih tur thu a puang.

Chief Minister Tarun Gogoi hoa Cabinet meeting chuan state-ah new development councils din a remti bawk. Heng revenue circle thar 12-in a huam te chu Laukhuwa, Rangapara, Joleswar, Borgang, Athani, Manikpur, Balijana, Pub Mangaldai, Gauripur, West Dispur, East Dispur leh Guwahati West te an ni.

National Award dawngtu, Filmmaker Jahnu Baruah rawtna angin film policy thar kalpui Cabinet chuan a remti bawk. He policy thar hian film industry changtlung tak din te, film-maker te chawikan leh tihmasawn te a tum dawn a ni. Heng bakah hian Village Council President hlawh chu cheng 2500 atangin cheng 4000-ah tih pun a rem ti a, District Rural Development Agency (DRDA) leh Zila Parishad a thawktute chu State sorkar pay roll anga hlawh pek Cabinet chuan a remti bawk.