School-ah IED man belh

Meghalaya-a East Garo Hills, Williamnagar khua-ah February ni 28 khan school pakatah Improvised explosive (IED) device chak tak panga police ten an man belh leh.

Police te sawi danin heng IEDs te hi Garo National Libe-ration Army (GNLA) ten Williamnagar khuaa school pakhatah an dah a ni. GNLA te hian an tum ber chu East Garo Hills vela beihpui thlak mek police te beih let a ni a, he school-ah hian police te chu an inkulh thin a ni. Hei hi hriain GNLA te hian he lai hmunah hian bomb hi an kam a, mahse GNLA mi leh sa an man hnen aṭangin an thiltih hi a an hrechhuak ta a ni.

He lai biala beihpui thlak mek Police te hian GNLA member, Enison Ch Momin kum 34 mi chu Adugre khuaah an man a, kum nga chhung GNLA tan a lo thawk tawh a ni. Enison Ch Momin inpuanna aṭanga a lan dan chuan GNLA te hi Sohan-a leh midang 18 te chu January ni 26 khan Adugre khuah hian kalin school-ah hian bomb chu an kam ta a ni. Heng bobm panga an kam te hi a puah hmain police ten an sut fel hman a ni. Bomb kam te hi a then chu pakhat pawh kg 20 dawna rit te a ni a, class room chhunga thir thingrem chhungah GNLA te hian an dah a ni. A ṭhen chu class room lei hnuaiah phum a ni a, thir no tung chhungah hmuh chhuah a ni bawk.

Police-te hian East Garo Hills bialah hian hel lakah hian beihpui an thlak mek a, kar kalta pawh khan Garo National Liberation Army (GNLA) camp pahnih aṭangin puak thei thil
ṭhahnem tak an lo man tawh a ni.