‘Rurban Mission’-ah Nagaland telh duh

Lok Sabha MP Neiphiu Rio chuan Inrinni khan Prime Minister Narendra Modi sorkar hnuaia scheme thar “Rurban Mission” kalpui mekah Nagaland state chu tel ve se a duh thu a sawi.

National Rurban Mission hian a tum ber chu India ram chhunga Smart Village cluster 300 aia tlem lo siam a, kum thum chhung atan social, economic leh infrastructure lamah te hmasawnna thlen tir a ni. 'Rurban Mission' hmalakna hnuaiah hian tribal leh tlangrama cheng, mihring 15,000 aia tlem chenna te chu sawi khawma Town-a siam chu a tum ber a ni.

Neiphiu Rio chuan Inrinni khan Nagaland Youth Summit ni hnihna hmanpuiin ‘Rurban Mission’ chung-chang hi a sawi chhuak. Tizit, Nagi-nimora leh Tuli te hi cluster khatah dah ila, chu chuan khaw lian zawk, hmasawnna pawh ṭhang chak zawk a thlen ang a, chuchuan rah ṭha tak a chhuah thei dawn a, chu chu ‘Rurban Mission’ in a tum ber pawh a ni, a ti.

Sorkar laipui chuan ram chhungah Rurban 300 te hi a thlang chhuak dawn a, April atang hian kalpui ṭan a ni ang. Hetah hian Lok Sabha MP Neiphiu Rio chuan Nagaland chu tel ve ngei se a duh thu a sawi a ni.