Manipur internet khapna pawtsei

Manipur chief minister N Biren Singh-a'n mobile internet khapna chu rei lote hnuah tihtawp a nih tur thu a sawi hnu lawkah Manipur sorkar chuan nimin khan an state-a mobile internet ban chu October 31 thleng pawhsei a nih thu a puang.

Manipur-a mobile internet an ban chhunzawm chhanah hian state sorkar chuan,"Mi tute'n emaw internet hmanga social media leh hmun hrang hrangah thlalak lem te, inhuatna lam thu sawina leh video-te theh darh nana an hman palh hlauh thil a ni. Tute'n emaw hmanruaa hmanga mipui rilru chawh thawh a nih chuan dan leh thupek kenkawh kawngah harsatna a awm belh a hlauhawm a ni," tiin an thuchhuahah chuan an tarlang.

Sorkar thuchhuah hi home commissioner T. Ranjit Singh-a'n DGP hnenah a hriattir a, tharum thawhna te, mipui leh security force innawrna te, sorkar hotute in suasam tumna te leh mipui nawrhnate hmun hrang hrangah a la thlen fo avangin fimkhur thil thua internet ban chu kalpui chhunzawm a la ṭhat zawk thu tarlan a ni.