Tripura HC judge tharte lak luh an ni

Tripura High Court judge tura ruat thar mi pahnih; Sabyasachi Datta Purkayastha leh Biswajit Palit te chu rinawmna thu tiam tirin Tripura High Court judge atan lak luh an ni. Judge thar lak luhna hunah hian senior advocate, Bar member, sorkar rawih advocate, state judicial administration-a official te an tel.

Chief justice Aparesh Kumar Singh chuan rinawmna thu a tiamtir a, Sabyasachi Datta Purkayastha hi judge atan ruat a ni a, Biswajit Pali hi additional judge ni tura lak luh a ni thung a ni. Heti hian Tripura High Court-ah hian judge panga an awm dawn ta a ni.

Supreme Court collegium-in judge eng emaw zat a siksawi leh transfer zingah khan Sabyasachi Datta Purkayastha leh Biswajit Palit te hi state sorkar hnuaia hna pawimawh tak chelh lai ni mah se Tripura High Court-a judge ni tur hian a rawt a, President-in a pawm hnuah lak luh an ni ta a ni.