Cherry Blossom festival hman hun tidanglam

Meghalaya-a Kristian pawl eng emaw zatin Cherry Blossom festival hman hun chungchanga an lungawi lohna an tihlan hnuah, Meghalaya deputy chief minister Prestone Tynsong chuan festival huaihawttute hnena festival tawp ni bik chu tlai lam aṭang chauha hun hmang tura sorkarin a hriattir thu a sawi.

Tynsong chuan hun ruat hmasa chu an tum reng vang a nih loh thu leh, festival chu ni thum hman a nih ṭhin avanga Pathiannia a tlak chang a awm thu a sawi. "Organiser-te hnenah a tawp ni bika hun an hman tur chu inkhawm a tihbuai lohna turin tlai dar 3-a ṭan turin kan hriattir tawh. Mipuite chiai mai lo leh inbengdai turin ka ngen duh che u, nakkumah chuan mi zawng zawng lawmna turin ruahmanna mumal tak kan siam tawh ang," tiin, mipuite lungawi lohna chu a hriatthiam thu leh, an ngaihdan leh duhdante zahsaka insiam rem zel an tum thu a sawi a ni.