Sharmila-i'n chaw nghei chhunzawm zel

Manipuri Human Rights Activist, Irom Sharmila Chanu-i chuan judicial custody aṭanga chhuah a nih hnuah, Manipur state-a Armed Forces Special Powers Act (ASPA) hman mek hlih a nih theih nan chaw nghei chhun zawm zel a tum thu a sawi.

Chief Judicial Magistrate chuan nimin khan Irom Sharmila Chanu chu judicial custody aṭangin a chhuah zalen a, amah thlawptu mi engemaw zatin an lo lawm a ni. Sharmila-i chuan,"Kum sawm 15 zet ASPA hlih a nih theih nana chaw ka nghei tawh chu chhunzawm zelin, tharum hmang loa tih hlawhtlin ka duh a ni. Ka thiltih hi mipuite tan a ni a, mipui aiawhin ka ding zel ang" a ti.

Manipur state-ah hian sipai te chu an mi rinhlelh zawng kah phalna Armed Forces Special Powers Act (ASPA) pek an ni a, he mi duh lo hian kum 2000 November ni 4 aṭang khan Irom Sharmila Chanu hian chawngheiin sorkar chu he dan hlip tur hian a nawr a, ‘Iron Lady of Manipur’ tiin a hming an vuah a ni.

ASPA dan hi tun thlengin Manipur-ah hian hman chhunzawm reng a la ni a, Sharmila-i chuan hlih a nih hma loh chuan thihthleng pawha beih a tum thu a sawi.