Lirnghing vangin Sorkar school 254 a chhia

Manipur Budget Session kal mekah Thawhlehni khan Manipur Education Minister Moirangthem Okendro Singh chuan January 4-a Manipur leh a chhehvela lirnghing chuan state chhunga sorkar school 254 a tih chhiat thu a sawi.

Eptu pawl, BJP MLA Th Biswajit Singh chuan hemi chung changah hian Assembly-ah zawhna a siam a, Education Minister-in ziaka a chhannaa a lan dan chuan lirnghing khan sorkar chool 254 a sawichhia a, heng school chhia thawm ṭhatna atan hian cheng nuai 3,649.66 angaih tur thu tarlan a ni. Heng bakah hian sorkar leh aided college 24 te, Takyelpat-a Government Polytechnic te, State Council of Educational Research Training Centre, Imphal a mi te leh Kakching te chu kha lirnghing khan a sawi chhe bawk.

Heng college chhia zinga 15 chu Imphal West district a awm an nih thu tarlan a ni.

Kumin kumtir lama Magni-tude 6.8-a nain Manipur leh a chheh vel a nuai khan hmun hrang hrangah chhiatna a thlen nasa hle. A natzualna Tamenglong district-ah chuan nunna chan 10 leh hliam tuar 120 an awm. Heng bakah hian building 1,500 chuang zet a tichhe bawk a ni.