March 18 aṭangin Tripura Budget session ṭan dawn

Tripura Cabinet chuan Tripura Assembly Budget session chu March ni 18 atangha tan a nih tur thu Thawhlehni khan a puang.

Assembly Budget Session hi March 18-ah ṭanin, April thla chawlhkar khatnaah zawha ni ang. Parliamentary Affairs Minister, Tapan Chakra-borty chuan session hun hi Council of Minister te nen sawiho hnua ruat a nih thu a sawi. Hetihlai Finance Minister Bhanu Lal Saha chu All India Institute Of Medical Science, Delhi-ah in entirin a thang mek.

Session-ah hian Yusuf Commission report pawh thlir ho a ni dawn. Yusuf Commission hi Health Minister Bimal Sinha leh a unaupa Bidyut Sinha te, kum 998-a Abhanga, Dhalai district-a Kamal-pur-a NLFT hel ten an thah dan chhuitu a ni.

Cabinet meeting chuan Industry leh Commerce Department-a hna ruak 386 chu hnawhkhah a remti bawk. Industrial Training Institutes (ITIs) Bishramganj, Teliamura, Kamalpur leh Longthorai Valley-ah te dinbelh a ni dawn a, heta tan hian group A leh C hnaruak 106 a awm dawn bakah, Industrial Training Institutes (ITIs) awmsa-ah post 143 a awm dawn tih Chakraborty chuan a sawi. Heng ITI din thar tur te hi academic session leh aṭanga hawn ṭan a ni ang.