Manipur NPF MLA-ten quarters chhuahsan dawn

Manipur-a Naga People's Front MLA te chuan Assembly Speaker-in an banna a pawmlo a nih pawhin sorkar quar-ters chhuah san an tum thu Thawhlehni khan an sawi.

NPF Legislative Party leader L.Dikho, deputy leader leh party chief whip Samuel Risom te chuan an dinna ngaiah an la ding reng tih an sawi. NPF MLA-te hian nikum September thlaa Manipur Assembly in bill pathum a pass, Protection of Manipur People’s Bill 2015, Manipur Land Revenue & Land Reform (seventh amendment) Bill 2015 leh Manipur Shop & Establishments (second amendment) Bill 2015 te chu an duh lo a, hei bakah hian an state-a inner line permit system (ILPS) hman an duh loh vangin Speaker hnenah hian MLA an nihna aṭanga banna an thelhlut a ni. Mahse Speaker hian an banna hi a la pawm-sak lo.

Dikho chuan,"Banna kan thehluh chu pawm nilo mah se sorkar quar-ters chhuahsan turin thu kan titlu a ni, sorkarin security min pek pawh hlih kan duh a ni" a ti. He thutlukna hi Feb 29-a party conference Ukhrul town hall-a an neih tuma an siam a ni.

Naga People's Front hian MLA pali Samuel Risom , L Dikho , Victor Nunghlung leh Dr. V. Alexander Pao te an nei.