Central University tha ber Tezpur University

Ministry of Human Resources Development chuan India ram chhunga University ṭha zual a thlang chhuak leh a, hetah hian Tezpur Universitym, Assam chu pakhatna a ni.

He thu puan a nih veleh hian Assam Chief Minister Tarun Gogoi chuan, Tezpur University chu a lawmpui tak zet thu a sawi a, "Hei hi state chhunga educational institution dang tan pawh chona ṭha tak a ni. State chhungah zirna nasa takin a chawikan ngei ka ring tlat a ni" a ti. Gogoi chuan Silchar-ah Central University din belh tum mek a ni, a ti bawk. India ram State dangah pawh state pakhat chhunga Central University pahnih nei thei hi an awm manglo a, he mi kawnga hma lakpuitu Rajiv Gandhi chungah pawh state aiawhin lawmthu a sawi bawk.

Chief Minister chuan Tezpur University zirlaite, zirtirtu te leh University-a thawktu zawng zawng te chu thinglung taka a lawmpui thu a sawi. March ni 14 hian India ram President Pranab Mukherjee chuan Tezpur University Vice Chancellor, Mihir Kanti Chaudhuri hnehah lawmman hi a hlan dawn a ni. Hyderabad Central University chuan nikum khan Central University a ber chawimawina hi a lo dawng tawh a ni.