AP zina hmasawn nan Ṭan lak tum

Arunachal Pradesh Chief Minister Kalikho Pul chaun state-in zirna lama hma a sawn theih nan hma lak a tum thu a sawi.

Hmalakna hmasa ber atan education department hnneah district, sub-division leh adminis-trative block hrang hrang te chu rawtna thehlut turin a hriattir.

CM chuan school tinin zirtirtu an mamawh ang zat an nei tur a ni a, lehkhabu, building tha, hostel leh zirtirtu te tan quarters tha tak an nei tur a ni tiin, zirlai mipa leh hmeichhe naupang ten inthiarna mumal tak an nei tur a ni, a ti bawk. School tinin compound hungna tha tak an nei bakah fai takin an vawng tur a ni, he mi atan hian hnathawktu pawh lak belh a nih tur thu a sawi.

Kalikho Pul chuan zirnain zawng zawngah electricity leh water supply tha tak pek vek an ni ang a, laboratory, library, journals, newspapers, computers leh internet te pek an ni ang, a ti. Recreational hall, auditorium leh playground te a ṭul anga siam a ni bawk ang.

Heng bakah hian craft teacher tur chherchhuah nan vocational training centre din a ni dawn tih CM chuan a sawi. Secondary leh higher secondary zirlaiten stipend an dawn thin cheng 600 chu cheng 1100-ah tihpun tum a nih thu te, zirna sang zawka zirlai technical leh non-technical ten thlatin stipend cheng 1400 an dawn tur thu te, Engineer leh Medical zirlai ten annual book grand cheng 10,000 an an dawn tur thute CM chuan a sawi.

Heng bakah hian course hrang hrang zir ten stipend an lak theihna turin ruahmanna siam a ni a, college zirlai te study tour an neih theihna turin excursion fund siam a ni bawk ang. E-learning chu college level chinah kalpui a l thu chief minister chuan a sawi bawk.