AP Governor-in Eirukna laka fihlim turin ngen

Assam leh Arunachal Pradesh Governor nihna chelh mektu J P Rajkhowa chuan minister ruat tharte chu eirukna laka fihlim tur leh Arunachal Pradedesh chu eirukna laka fihlim, 'free corruption state' a siam tum turin a ngen.

Kar kalta Inrinni khan Raj Bhawan-ah Chief Minister Kalikho Pul leh minister ruat tharte hian titi hona an nei a, he hun hi Governor chuan hmanpuiin fuihna thu a sawi a ni. Pul pawhin thu sawiin,"Mipuite thlan kan nih ang ngeiin, mipuite tan kan thawk tur a ni a, kan laka beiseina sang tak an neih avangin kan theihna zawng zawngin mipui leh state hmasawn nan kan thawk tur a ni", a ti. Mipuite role model an nih ang ngeiin entawn tlakin awm a ṭul thu te, sorkar rorelna chu langtlanga an kalpui theih phawt chuan mellung pawimawh tak an phut dawn tih a sawi.

CM Kalikho Pul chuan, minister tharte chu thin-lung taka a lawm-pui thu sawiin, duhsakna a hlan a. State-in hmasawnna atana a mamawh hmasa ber chu inkalpawhna kawngpui a ni a, chu chu ngaih pawimawh hmasak ber tur a ni a ti. Inkalpawhna ṭha a awm chauhin Arunachal Pradesh chuan hmasawnna tak tak a hmu thei dawn niin a sawi. Kawngpui bakah hian education, health, horticulture, industries, cinemas, touri-sm, skill development leh employment generation chu ngaihpawimawh a ṭul thu a chief minister chuan a sawi bawk.

Pul chuan state eco-nomy a ṭhan zel theih nan chhiah lak a pawimawh thu a sawi bakah district tina check gate te chu tih changtlung ṭul thu a sawi. A tul dan anga Taxation & Excise department chu thuam that leh tihchangtlun a ni ang,a ti bawk.

CM chuan Tourism chu state hmasawnna tura thil pawimawh tak a nih thu sawiin, eco-tourism, adventure tourism leh cultural tourism lamah te hmasawn a ngai a ni, a ti. Hemi tur chuan restaurant, hotel, motel, rest room, parking lot, wash room te changtlung tak din a tul a dawn a ni a ti bawk. Dan leh thu pek kenkawh chungchang-ah Pul chuan Governor chu President's Rule puan a nih lai anga khauh taka kengkawh chhunzawm zel turin a ngen bawk.