Smart City kalpui mekah Imphal telh a ni

Imphal Municipal Corporation Executive officer Ng Uttam Singh chuan Inrinni khan Imphal chu Smart City kalpuina tur khawpui zingah telh a nih thu a sawi.

Union ministry of Urban Deve-lop-ment chuan Imphal Municipal Corporation (IMC) chu Smart City Proposal (SCP) April ni 15, 2016 aia tlai lo-ah thehlut turin a hriattir tawh a ni.

Smart City kalpui mekah hian India ram chhunga khawpui hrang hrang te chu thlan chhuah an ni a, zirchianna an neih hnuah heng khawpui thlan chhuah zing aṭang hian Project kalpuina tur bik khawpui 23 thlan chhuah leh a ni. Chung zing-ah chuan Imphal chu thlan tel niin sorkar laipuiah Smart City Proposal (SCP) theh luh a ni ang. SCP an theh-luh hmang hian khawpui tih chang-tlun hna hi thawh a ni dawn a ni.

SCP atan hian inlungrualna te, thawhhona ṭha te, rawtna leh ngaihdan te mipuite pawhin an thawh theih dawn a, rawtnate chu Imphal Municipal Corporation-ah thlen turin mipuite chu ngen an nih thu Uttam Singh chuan a sawi.