CPI-M ten Baidya thawh chhuak leh dawn

Tripura-a sorkarna chang mek Communist Party of India-Marxist (CPI-M) chuan March ni 21-a Rajya Sabha member thlanna lo awm turah Jharna Das Baidya chu party aiawh tura an thlan thu Pathianni khan an puang.

Jharna Das Baidya hi tuna Rajya Sabha MP ni lai mek a ni a, a term kal mek kumrukna chu April ni 2 hian a tawp dawn a ni. Haripada Das chuan, CPI-M state committee meeting chu Pathianni khan neih a ni a, hetah hian member te chuan lungrual takin Jharna Das Baidya chu Rajya Shaba MP chuh turin kan ruat leh ta a ni, a ti.

Baidya hi hmeichhia niin, Scheduled Caste a ni a, tunah hian kum 53 a ni. State Social Welfare Board chairperson te pawh a lo ni tawh thin. Tri-pura hian Rajya Sabha-ah seat pakhat a nei a ni.