Manipur-ah Pony an mang hlauhawm

India ram hmun danga awm ve lo, Manipur-ah chauh hmuh tur awm, sakawr te c hi Pony an tih mai mang mai thei dinhmunah a ding mek.

Heng sakawrte hi sakawr dawng aia a danglam bikna chu, a pumrua hi a te bik a, mahse a chak em em thung a ni. Manipurah hian Pony leh Sazuk chi khat India ram hmun danga awm velo te chu humhalh bik ngai zingah telh an ni.

Veterinary Minister Govindas Konthoujam chuan kum 2012 khan Manipurah hian Pony hi 1,100 chauh an awm tih a sawi a, an rem chak avangin tun dinhmunah chuan hei ai hian an tlem tawh zawk hle turah ngaih a ni. Manipur Polo Society, General Secretary Tombiraj pawhin, Pony te chu an mang chak thu sawiin, India ram hmun dangah hmuh tur a awm ve loh a vangin humhalh bik ngai an ni,a ti.

Manipur sorkar pawhin Pony humhalh nan hian hma a la ve reng a, Senapati district-a Tingkhai Khunnou khua-ah Pony te awmna tur bik siam nan sorkar chuan cheng vaibelchhe 2 a lo pek chhuah tawh bakah, a enkawl turin hnathawktu mi panga a dah a ni. Tunah hian Heingang, Imphal east district-ah Pony sanctuary siam tumin hmalak leh mek a ni a, he mi atan hian sorkar laipuiah vaibelchhe 78 dil mek a nih thu Veterinary Minister Konthoujam chuan a sawi.