Left party-ten Assam-ah candidate 59 nei dawn

Left party an tih mai CPI(M), CPI, CPI(ML), AIFB, RSP leh RCPI te chuan Assam assembly in thlan lo awm turah bial 126 aṭangin bial 59-ah candidate an siam dawn tih an sawi.

Left hruaitu Deven Bhatta-charya, Drupad Borgohain, Rubul Sarma leh Biren Deka te chuan inthlan an hmachhawn turah Left leh Democratic Alliance an thawhdun tur thu an sawi bakah, seat insem dan tur pawh tihfel a nih tawh thu an sawi.

Inremna an siam dan chuan CPI hian candidate 18 an nei dawn a, an bial chan tur hi Lahowal, Moran, Dibrugarh, Thowra, Sivasagar, Nazira, Titabor, Khumtai, North Lakhimpur, Katigorah, North Kamrimganj, Barhampur, Kaliabor, Morigaon, Guwati East, Dudhnoi, Bilasipara (W) leh Kamalpur te an ni.

CPI(M) lam chuan Dhubri, North Abhoyapuri, Bijni, Sorbhog, Jania, Sorukhetri, Nalbari, Rangiya, Dispur, Rangapara, Sootea, Dhakuakhana, Dhemaji, Sadia, Nahorkotia, Jorhat, Silchar, Borkhola leh Patharkandiin ah te hian candidate 19 an nei ve thung dawn a ni. CPI(ML) pawhin Chabua, Duliajan, Tingkhong, Teok, Mariani, Botodrava, Gohpur leh Behali-ah te candi-date 8 an nei dawn bawk.

AIFB lam chuan can-didate 10 a nei dawn bawk a, chungte chu Hailakandi, Sonai, Amguri, Guwahati West, Barpeta, Golaghat, Chhaygaon, Jagiroad, Tezpur Borkhetri te an ni. He tih lai hian RSP chuan Jonai leh Gauripur ah te candidate neih tumin hma an la ve mek a, Dhing leh Mahmora-ah te chuh an tum thu RCPI lam chuan an sawi .

Left party hruaitute chuan an state chhungah Congress kaihruai sorkar chuan kum 15 ro a rel chhungin hmasawnnna tak tak a thlen lo niin an sawi a, eirukna chu a hluar hle niin an sawi bawk. CPI(M) leader Deven Bhattacharyya chuan, "Congress sorkar hnuaiah eirukna a hluar a, BJP lahin pawl leh sakhua ṭhenhrang zawngin politics a khel bawk a ni. Hei vang hian heng pawl pahnihte hi ngaihtuahna fim tak nei mipuiten an hnawl a, an aiawhtu atana min vote theih turin kan ding dawn a ni" a ti.