Prince William te nupain Assam tlawh dawn

April ni 12 khian ni hnih cham turin Duke of Cambridge Prince William leh a nupui Princess Kate Middleton chuan Assam an tlawh dawn. Assam Chief Minister Tarun Gogoi chuan State’s Chief Secretary chu hemi atan hian thil ṭul te lo buaipui turin a hriattir tawh.

Prince William te hian an cham chhung hian Kaziranga National Park bakah hmun pawimawh dang te an tlawh dawn a ni. Gogoi chuan British hun laia oil leh tea industry te chu an cham chhung hian fanpui a tum bawk.

British hunlai khan tuna Kaziranga National Park awmna ah hian India Viceroy Lord Curzon chu a lo khawsa tawh ṭhin a ni. Tunah chuan National Park-ah chei bawl a ni tawh a, nungcha leh sava tam tak humhalh an ni.