Exam hun sawn dawn

Assam Higher Secondary Education Council (AHSEC) exam buatsaih-ah physics leh Boilogy question paper a leak-out avangin exam that leh tur a ni. HSLC exam answer-script tam tham tak chu hal a ni bawk a, heng thil thleng te hi chhui zui mek an ni. Hei vang hian exam hi a hrana buatsaih ṭha leh tura tih a ni.

Assam Higher Secon-dary Education Council chuan Biology subject chu March ni 19-a exam ṭhat leh turin ruahmanna a siam a, ruahmanna hmasa ah chuan vawiina exam tura tih a ni.

AHSEC chairman NM Hussain chuan he thil thleng hi a vanduai thlak tal zet ti sawiin, thil diklo titute chu dan anga na taka hrem ni tur thu leh, CID ten an chhui mek thu a sawi. Jorhat police te chuan he thil thlen laia school-a duty Bipul Kakoty chu thu zawhfiah atan an la bawk. Kakoty hi police custody-ah ni li chhung Chief Judicial Magistrate phalnain a awm tawh a ni. He thil thlen chhanah hian Kakoty ti a tih tur ngaisak tawk lo niin an sawi.

All Assam Students’ Union (AASU) te chuan he thil thlen chhan-ah hian State sorkar, Education Minister, Chief Minister leh AHSEC te chu chu an puh ve mek a, thil ngaihthah lutuk vang niin an sawi.