Arunachal-ah 'Festival of Speed' hmang dawn

Arunachal Motorsports Association te chuan March ni 28 aṭanga ni 30 thleng awh tur ‘Arunachal Festival of Speed’ an buatsaih dawn.

Festival-ah Motor intlansiak hmangin inelna buatsaih a ni dawn a, chi hrang pali-ah then darh a ni ang.

Motocross, Autocross, Rally Sprint leh Hill Climb-ah te hian intihsiakna neih a ni ang. Autocross, Motocross leh Sprint te hi amateur tan bik a ni dawn a, taksa himna ngaihpawimawh a ni dawn a, a tel tur chuan seat belt leh helmet te khum tur a ni. Arunachal Pradesh hi adventure sports, motorsports mountaineering, water rafting tihna hmun atana remchang em em mai a ni.

Arunachal Pradesh-ah vek hian Pathianni lo awm tur hian Takilalung thingtlang khua-ah ‘Mithun Mela’ neih a ni dawn. Hei hi State Department of veterinary & animal husbandry leh Pasighat’s College of Horticulture & Forestry ṭang-kawp ten an buatsaih tur a ni. He mela buatsaih a nih chhan chu mipuite hnena zirtirna pekna tur niin an sawi.

Lok Sabha MP Ninong Ering chuan Mela chu mipuite, a bikin Takilalung khuaa chengte tan buatsaih a nih thu a sawi. Ering chuan, thiamna sang zawk hmanga Sial vulh hi eizawhna atan chauh nilo, ramngaw humhalh nan pawh thil tangkai tak a ni, a ti.

Arunachal Pradesh hi India rama sial vulh tamna ber a ni a, a enkawlnan tur bik hmun pawh tunah hian siam tuma hma lak mek a ni.

Indian Council of Agri-cultural Research hnuaia zirna inhrang hrang Regional Station of Indian Veterinary Research Institute (Kolkata), Eastern Regional Station of National Dairy Research Institute (Kalyani), ICAR-National Research Centre on Pig (Guwahati), leh ICAR-NRC on Yak (Dirang) te chu he hunah hian an tel dawn.