NSCN (K) mi 5 Manipur-ah man

Manipur-a Imphal East-a Jiribam subdivision-ah security force te chuan beihpui thlakin NSCN (K) helpawl mil eh sa 5 an man.

27 Assam Rifles-te chuan Thawh­lehni chawhnu aṭang khan Lamkhai bazar leh Hilgat-ah te beihpui an thlak a, hel 5 te hi an man ta a ni. An mi man te hi Jiribam Police Station-ah an dah an ni. Gaikhaling Kamei, Gaigempa and Namthalung te chu Patsoi, Imphal West panna an kal laiin man an ni.

Hetih lai hian an mi mante hi chhuah turin thingtlang khaw mipuite chuan an phut a, security force-ten an mante chuan tihsual engmah an nei lo a ni, an ti.

Thuchhuah an siamah chuan, heng an mi man te hi thudelhkilh engmah awm lova chhuah vat turin an phut. Heng mite hi March ni 3-a Namthazang thingtlang khuaa an chief leh secretary te chenna in suasamna ah khan a bultumtu niin Police lam chuan an sawi ve thung.