Gogoi-an hmeichhe tan 50 reservation siam duh

Assam Chief Minister Tarun Gogoi chuan an state-a hmeichhiate thuam chakna atan an pual hian 50 per cent reservation dah a duh thu Thawhlehni khan sawi.

He thu hi International Women’s Day Assam Pradesh Mahila Congress Committee ten an hman a telpuina ah a sawi. Gogoi chuan, India ram khawi state-ah mah hmeichhia te tan bika resrvation siam chu dik taka kalpui a nilo niin a sawi. Chhungkaw harsa ten fa hmeichhhia an neihin Rs 5,000 pek tur an nih thu a sawi bawk.

Tarun Gogoi chuan hmeichhia te chuan mahni kea din an mamawh thu a sawi bakah, mipate nen a theih ang anga intluk tlan a ṭul thu a sawi. Sorkar hna laknaah an state-ah hmeichhia te tan 50% dah a duh thu a sawi a, heng bakah hian assembly leh parliament member za-a 50 chu hmeichhia ni thei se a duh tih International Women’s Day, Assam Pradesh Mahila Congress Committee te bultuma hmanna-ah hian a sawi.

CM Gogoi chuan India ramah hmeichhia te dinhmun a ṭhat loh thu sawiin, Assam-ah chuan state dangte aiin hmei-chhia te dinhmun a ṭha a ni, a ti. Gujarat, Bihar, Haryana te ai chuan kan state chhunga hmeichhia te dinhmun hi chu a ṭha hle tih sawiin, mipa te chu mihringa sumdawnna ti tawp tur te, mipat hmeichhiatna leh hmeichhia te dah hnuaihnunna titawp tura an pawimawh thu a sawi bawk.