Nagaland-in hmeichhe MLA la nei lo

International Women's Day hman zawh takah, India rama ziak leh chhiar tamna lama a sang zinga mi, Nagaland state chuan tun thlengin MLA an la nei lo tih sawilan a ni.

Nagaland hi kum 1963 khan state puitling-ah hlan kai a ni a, tun thlengin hmeichhe MLA an la nei lo, hetih lai hian Mizoram-ah pawh kum 1986-a state puitlingah hlankai a nih hnuah hmeichhe MLA pahnih chian an la awm tih Nagaland state information minister hlui Thomas Ngullie chuan a sawi.

Nugllie chuan hmarchhak state zingah pawh Nagaland leh Mizoram chu ziak leh chhiar tamna ni mah se, rorelna sangah hmeichhia te dinhmun a la ṭhalo hle a ni, a ti.

Mizoram-ah hian kum 2011 chhiarpui khan ziak leh chhiar thiam za zel-a 91.33 an awm a, India ramah a sang ber pahnihna a ni. Kum 1987 khan Pi Lalhlimpuii chu hmeichhe minister hmasa ber a lo ni tawh a, tun thlengin hmeichhe minister dang an la awm leh lo.

Kum 1990 khan hmeichhe tan seat za-a 33 chu reserve tura tih a lo ni tawh a, mahse Naga Students’ Federation chuan an tradition nen inkalh nia sawiin, an duh loh thu khatih hunlaia parliamentary select committee chairperson Geeta Mukherjee hnenah ziakin an lo thlen tawh. Hetianga hmeichhia te tana seat reservation dodal a nih ṭhin avang hian tun thlengin rorelna sangah hmeichhia an la awm lo a ni. Nikum lama boral ta Shaiza kha hmeichhe MP awm chhun a la ni reng bawk.