Assam state election tur boruak a lian Thubuai tihkhawtlai 349 a awm

Assam state election lo awm tur chuan boruak a nei lian sawt hle a, party candidate te pawh mipui ten hriat chian tumin an zirchiang chho ṭan mek. Tunge candidate te zingah thubuai nei tih te chu mipui hriat duh a ni chho ṭan ta.

RTI hmanga zawhna chhanna aṭanga tarlan a nih dan chuan tunah hian Assam state chhunga party hrang hrang hruaitute thubuai neih, tihkhawtlai awm mek chu 349 a tling.

RTI activist Dulal Bora chuan Thawh-lehni khan thubuai tihkhawtlai tam chhan chu Assam police te an nih thu a sawi.

Dispur Press Club-a thu a sawinaah Bora chuan, July ni 24, 2015 khan Additional Director General chuan tuna MLA leh MP ni lai mek te case chhui tichak tur hian Police Commissioner, Superintendents of Police Barpeta, Nagaon, Morigaon, Hojai, Kamrup Rural, Baksa, Biswanath Chariali, Karimganj, Kokrajhar, Golaghat leh Sonitpur-te chu te chu lehkha a thawn tih a sawi. Heng case te hi ni 90 chhunga ching fel vek turin ADGP hian a hriattir a, mahse police lam hian an tih tur te an ti lo niin a lang a, tunah hian case pending tam tham tak a awm mek a ni.

Thubuai tihkhawtlai awm mek zingah hian mi langsar tak tak Chief Minister Tarun Gogoi, Himanta Biswa Sarma, Rakibul Hussain, Atuwa Munda, Ajit Singh, Prasanta Phukan, Jatin Mali, Majendra Narzary, Bijoya Chakraborty, Pradip Hazarika, Ataur Rahman Majar Bhuyan, Mazibur Rahman, Rupjyoti Kurmi, Akon Bora, Nilomonisen Deka te thubuai pawh a tel. He mi chungchang-ah hian Supreme Court pawhin Police department chu hma la thuai turin a lo hriattir tawh a ni.