Manipur-ah Culture University din a ni dawn : Ibobi

Manipur Chief Minister O Ibobi Singh chuan art leh culture tih hmasawn a nih zel theih nan leh ṭhangthar lo awm zel tur te tana chhenfakawm tak ni thei tur Culture University din an tum thu a sawi.

Imphal khawpuia ni sarih awh tur, 'National Theatre Festival' hman mekah CM chuan he thu hi a sawi a ni. Festival hi National School of Drama New Delhi; Art & Culture Department leh Chorus Repertory Theatre, Cine Play House of Chorus Prefecturete ten an buatsaih a ni. Ibobi chuan an state chu film industry-ah an la sang lo tih sawiin, sum che vel pawh a la bei tham hle a ni, a ti bawk.

CM Ibobi Singh chuan culture, custom leh tradition te humhim tur chuan mi zawng zawng an pawimawh a ni tih sawiin, ram chhung leh khawvel huap pawha a tih larna kawngah mawhphurhna an nei tih a sawi.

Festival hawnna hun hmanah hian state chief minister bakah, Minister Dr Kh Ratankumar Singh, Art & Culture Commissioner K Radhakumar Singh leh Chorus Repertory Theatre Director leh National School of Drama Chairperson ni bawk Ratan Thiyam te an tel. 'National Theatre Festival' hi Manipur state-in a thlen vawikhatna a ni a, Pathianni khan a hawnna hun hman niin, Inrinni thleng a awh ang.