Tripura-in hna lak turah sorkar laipui policy zawm dawn lo

Tripura State Education Minister Tapan Chak-raborty chuan Nilaini khan an state chhunga sorkar hna lak turah sorkar laipui-in merit-a lak tur a tih chu an hmang ve dawn lo tih a sawi.

Sorkar laipui chuan Group C leh D hna hna lak turah merit list hmang turin a ti a, mahse Tripura-ah chuan an state kalpui ṭhin dan anga kalpui chhunzawm zel a nih tur thu Chakraborty chuan a sawi a ni.

Sorkar laipui chuan group C leh D hna lak reng rengah dan lo anga hna lak tihrem a nih theih nan merit list-a la ṭhin turin thuchhuah a lo siam tawh a ni. He thu hi state zawng zawng te chu pawh hriattir vek an ni tawh. Chakraborty pawhin sorkar laipui atanga he dan hmang tura hriattir an nih tawh thu a sawi a, mahse zawm ngei ngei tur a ni lo niin a sawi.

Tripura-a hna lak tura hian ‘merit-cum-seniority’ an hman tur thu Chakraborty chuan a sawi a, hei hi cabinet pawhin a siam ṭha tawh niin a sawi bawk. Hna lak tura diltute chu kum 18 an pelhna kum khat zelah mark khat zel an pe dawn a, a awm ziaah chuan hna diltu chu kum 40 mi a nih chuan seniority criteria hmangin mark 22 a hmu sa dawn tihna a ni, a ti. Supreme Court leh High Court thupek bawhchhe silo a, Group C leh D hnalak tur chu merit leh seniority hmanga lak a nih tur thu education minister hian a sawi a ni.