Tripura-ah Bangladesh mi 23 man

Tripura Police-te chuan Bangladesh aṭanga India rama dan kalha lut ru mi 23 an man thu an sawi a, an zingah hian hmeichhia pakua leh naupang pathum an tel.

Heng Bangladesh mite hi Tripura-a Ganda-chara-ah man an nih thu Nangani khan police te chuan an sawi.

Court chuan an mi man zinga 20 chu judicial custody-ah a thawn a, naupang pathum te erawh juvenile home-ah a dah. Heng an mi man te hi Tribal vek an ni a, Bangladesh’s Chittagong Hill Tract aṭangin Tripura-ah hian an lut tih an sawi.

Bangladesh mi an mante rual hian Tripura-ah hian ram dang mi 43 lai an lut niin police te chuan an sawi a, midang te hi man tuma zawn leh mek an ni. Tripura leh Bangladesh inrinna hi km 856 laia thui a ni, helai vel aṭang hian ram dang mi dan loa lut eng emaw zat an awm reng a ni.