Meghalaya-ah doctor indaihlohna a nasa

Meghalaya state-ah  Covid-19 kai an pun belh leh avangin a enkawltu doctor lam indaih lohna a nasa sawt hle tih official chuan a sawi. 

Sorkar chuan doctor hna ruak hnawhkhat tumin advertisement pawh a tichhuak a, mahse dilna lut hi a tlem hle. Health services director Aman War chuan, doctor indaih lohna hi 100 chuang a ni tih sawiin, contract-a lak tura mi 50 pawh an awm tling lo a ni, a ti. State chhung mai ni lo, state pawn thlengin doctor lakna tur advertisement hi tihchhuah ni mah se, diltu an hmu ṭha lo hle a ni. 

Health department official chuan state chhungah sorkar  hospital, Community Health Centre (CHC) leh Public Health Centre (PHC) a thawk doctor 800 chuang an nei tih sawiin, hengte hian Covid-19 dona kawngah rim takin  hna an thawk mek tih an sawi. 

Meghalaya-ah Covid-19 kai hmuh chhuah hi 1,191 an awm tawh a, an zinga 547 chu enkawl dam an ni tawh.