Union Minister-in Assam-ah AdtU library a hawng

Assam down town University (AdtU) chuan Panikhaitis campus-ah activity centre leh library ni bawk an buatsaih chu tlangzarhin, union minister of road transport and highway Nitin Gadkari chuan a hawng.

He activity centre hi chhawng lia sang, sq.ft. 40,000-a zau a ni a, auditorium changkang tak bakah seminar hall eng emaw zat a nei a, advanced AV production studio, cafetaria tunlai tak, library chhawng, art gallery, yoga hall, gym, swimming pool, indoor stadium leh multi-sport facility te a awm. He hun an hmannaa pawisa an dawnte chu thuneitute chuan AdtU Amphitheatre sak nan an hman tur thu an sawi.

AdtU hian Nitin Gadkari hnenah hian ram chhunga kawngpui hrang hrang, highway te siam leh tihchangtlun kawnga a hnathawh ṭhat avangin honorary doctorate, PhD D.Litt an hlan bawk. He hunah hian hlawhtlinna sang bik chang; 2022-2023 outstanding researcher hauhtu, Dr. Saikat Sen, PG zirlai best performer, Aniya Teli leh UG zirlai, best performer, Samujjal Talukdar te chawimawina leh lawmpuina hun hman a ni bawk.