Visitor’s Award dawng tur Tezpur University

Tezpur University chu 'Annual Visitor’s Award for the Best Univer-sity 2016’ dawng tura thlan a ni a, he lawmman hi March ni 14 khian Rashtrapati Bhavan-ah President Pranab Mukherjee-an a hlan ang.

President hian kum 2014-a Vice Chancellors’ Conference, hman a nih ṭum khan India ram chhunga Central University te zingah inelna tha awm theih nan 'Annual Visitor’s Award for the ‘Best University’ lawmman hi siam a nih tur thu a lo sawi tawh a ni.

University Professor tan 'Visitor’s Award for ‘Innovation’ and ‘Research’ siam a ni bawk a, he award hi Jawaharlal Nehru University Prof. Rakesh Bhatnagar chuan a dawng dawn a ni. 'Annual Visitor’s Award for the Best University' hian Citation leh Trophy a dawng dawn a, hetih lai hian 'Visitor’s Award for ‘Innovation’ and ‘Research’ hian Citation leh cheng nuai khat a keng tel thung ang.

Award dawng turte hi Central University te chuan online-in an thlang a, heng an thlan chhuah zing aṭang hian Selection Committee chuan a lo thlang leh ṭhin. Selection Committee-ah hian Omita Paul, Secretary to the President, Depart-ment of Higher Education leh Department of Science & Techno-logy-a Secretary te, UGC; DG, CSIR Chairman-te an tel a ni.