JAC-ten tribal martarte hriatrengna hun hmang dawn

Manipur Assembly-in anti-tribal Bill a pass duh lo pawl, Joint Action Committee chuan March ni 17 zanlai aṭangin darkar 15 awh tur tribal martar te hriatrengna hun a hmang dawn.

Hriatrengna hun hi Lamka leh a bul hnai tribal chennna hmunah neih a ni dawn a, dawr leh sum dawnnna hmun te khar a nih bakah, lirthei tlan phal a nilo ang. Hei hi anti-tribal Bill duh loh vanga martar mi pakua te hriatrengna leh zahna lantirna a nih thu thuchhuah chuan a tarlang.

Lamka chhehvela Tribal te chu he hun hman a nih chhung hian tribal mi, anti-tribal Bill dodal avanga thi ta te hriatreng nan, an silai kawlte tarchhuak turin an inngen. Lamka Public Ground-ah heng martarte ṭawngṭai sakna neih a ni dawn bawk.

JAC chuan, khang mi huaisen, martar ta te khan, tribal mite tan an nunna hlu tak an hlan a, an ngaisang tak zet a ni tih a sawi. Anti-tribal bill hi kum 2015 August ni 31 khan state assembly chuan a lo pass tawha, hei hi duh loin Manipur-a tribal te chuan theihtawp chhuahin an do let mek a ni.