Southeast Asia luhka pui berah Guwahati kan siam dawn : Sonowal

Assam chief minister Sarbananda Sonowal chuan a kaihhruai sorkar chuan Assam khawpui, Guwahati chu Southeast Asia luhka pui berah siam a tum tih a sawi. 

Guwahati-a Indian Chamber of Commerce annual general meeting-ah he thu hi sawiin, Sonowal chuan ASEAN market bakah BBIN (Bangladesh, Bhutan, India and Nepal) te hip luh an tum tih a sawi a ni. 

Sonowal chuan, "Hmarchhak tana luhka pui berah Guwahati siam chauh hi kan tum a ni lo a, Southeast Asia pawh kan thlir tel a ni. ASEAN block hian Assam market tan a thawh hlawk tawh hle," a ti. Kum 2018-a Assam-a global investors' summit neihah khan an state chuan investment proposal, cheng vaibelchhe 79,000 hu a  dawng tih a sawi bawk.

CM chuan an state-a an thlur bing ber chu agriculture a nih thu sawiin, Israel chuan he sector tihhmasawnna tur hian technology ṭha ber pek a lo remti tawh tih a sawi. Assam aṭagn hian UK, Singapore leh UAE-ah cargo flight hmangin an thlai thar pawh an thawnchhuak mek tawh tih a tarlang. 

State chhunga Covid- 19 hripui leng mek chungchangah, hri kai zinga he hri thihpui rate a hniam dan aṭang chuan sorkar chu hri dona kawngah a thawk ṭha tawk tih a lang a ni, tiin CM chuan health infrastructure thuam chakna turin sorkar chuan hma a la mek a ni, a ti.