Meghalaya ADC tan Rs vbc 45 pe chhuak

Meghalaya-a District Council Affairs (DCA) department chuan state chhunga Autonomous District Councils (ADC) pathum tana 15th Finance Commission-in special plan assistance a siam aṭangin cheng vaibelchhe 45 chu Thawhṭanni khan a pechhuak. 

DCA minister Lakhmen Rymbui chuan special assistance atana sum ruahman zingah a zahve chu pek chhuah a ni tih a sawi. Khasi Hills Autonomous District Council (KHADC) tan Rs vbc 20.47,  Garo Hills Autonomous District Council (GHADC) tan Rs vbc 18.20 leh  Jaintia Hills Autonomous District Council (JHADC) tan Rs vbc 6,82 pek a ni. 

Rymbui chuan sum pekchhuah chu hmasawnna hna thawhna hrang hrang atana tih a nih thu sawiin, fund hi hnathawkte hlawh atan pawh pen theih a ni lo, a ti. ADC hnuaia hnathawkte hlawh pek chungchangah state sorkar mawhphurhna a ni lo a, district council tinte'n an buaipui zawk tur a nih thu a sawi bawk.