Meghalaya Chemistry Olympiad-ah zirlai 455 tel

University of Science and Technology Meghalaya (USTM) Chemistry department buatsaihin 2nd Meghalaya Chemistry Olympiad 2023 chu University of Science and Technology Meghalaya (USTM), Shillong College leh Don Bosco College Tura-ah te neih a ni a, Meghalaya-a sikul hrang hrang aṭangin zirlai 455 an tel.

USTM Chemistry Head of Department, Dr. Sarifuddin Gazi chuan Meghalaya Chemistry Olympiad (MCO) chu an state chhunga secondary leh higher scondary school naupang zinga theihna ngah ber zawn chhuah nana buatsaih an nih thu a sawi.

MCO-ah hian pawl 8, pawl 9 leh pawl 10 zirlaite tan Chemistry an thiam dan leh hriatte en a, zir a, sawihoin an kal khawm a, intihsiakna bikah hian heng class-a zirlai ṭhenkhat hian Chemistry huang bika an theihna lantirin an tel a ni. Kumin MCO-ah hian nikum lam aiin zirlai tel an pung a, Shillong College-ah hian intihsiakna hmachhawn mi 319 awmin, Don Bosco College-ah mi 43 leh USTM-ah mi 93 te an awm a ni.