IMR sang panga zingah NE state pathum tel

5th National Family Health Survey (NFHS)-in state hrang hrang infant mortality rate (IMR) a tihchhuahah, nausen thi tam zualna state panga zingah  hmarchhak state pathum - Tripura, Meghalaya leh Assam an tel. 

Infant mortality rate hi nau piang thar 1,000 aṭanga thi zat an ni. 

Survey thawh khatna hi state 17 leh union territory pangaah neih niin, heng zingah hian hmarchhak state paruk an tel. Result tarlan aṭangin Tripura-ah hian nau piang thar 1,000 aṭanga thi zat, IMR hi 37.6 niin, Meghalaya-ah 32.3 a ni. Tripura IMR chu 26.7 a ni bawk. Manipur pawh survey neih hmasa aia sangin, IMR hi 25 a tling a ni. 

Mizoram leh Nagaland-te IMR chu 21.3 leh 23.4 a ni a, hmarchhak state dangte aiin an hniam hle. 

Zirchianna neih tawh state zingah Kerala dinhmun chu ṭha berin, a IMR a hniam ber a, nau piang 1,000 zinga thi zat hi 4.4 a ni.