Hmachhaka project-te Satellite hmangin vil dawn

Sorkar laipui chuan hmarchhhak biala hmasawnna hnathawh hrang hrangte chu satellite hmanga vil a, endik a nih theih nan hmalak dan tur an ruahman.

Development of North Eastern Region (DoNER) Minister Dr Jitendra Singh chuan he mi chung-changah hian sorkar laipuiah rawtna a thlen a ni. DoNER Minister chuan satellite thlalak hmang hian awlsam zawk leh ṭha zawk hmangin hmalakna te kalpui a ni ang a, ruahmanna fel fai zawk a awm theih beisei a nih thu a sawi. Shillong-ah North-Eastern Space Application Centre din a nih tawh thu a sawi a, hei hian hna a ti awlsam sawt dawn niin a sawi bawk.

India Space Department leh DoNER Ministry te chuan hemi chungchanga hmalakna tur te hi an sawiho tawh a, hmarchhhak bial hmun tam zawk chu tlangram chhengchhe tak tak a nih hlawm avangin hmundang aiin hmasawnna a kalmuan thu an sawi. Satellite thalak hmang hian kawngpui siam leh hmasawnnna hna thawh mek te chu chak zawka kalpui a nih theih an beisei a ni.

DoNER Union Secretary, Naveen Verma pawhin sorkar laipui budget pharh takah khan hmarchhak bialah solar pump dinna tur vaibelchhe 500 dah a nih thu a sawi bawk.