UGC hotuin NE VC leh principal-te kawm

University of Science & Technology, Meghalaya (USTM)-ah March ni 11 khan University Grants Commission (UGC) chairman Prof Ved Prakash, Union Minister of States for Home Affairs Kiren Rijiju te chuan India rama University Vice-Chancellor te, State leh private University leh hmarchhak biala college principal thenkhatte an kawm.

He huna thusawitu Rijiju chuan university leh industry lian te nena skill development training neih chu hmarchhak bial ṭhalai hna neilo te tan a ṭangkai tur thu a sawi.

Central University te chu tlangram leh hmunkil khawr zawkah te trainning hi kalpui thei se a duh thu a sawi bawk.

UGC chairman Prof Ved Prakash chuan University hrang hrang Vice-chancellor te chu kum nga dang lo la awm tur atan ruahmanna felfai tak nei turin a fuih. He hunah hian VC leh College Principal te hian hmarchhak-a zirna kalpui meka an harsatna tawhte chu Prof Ved Prakash hi an sawipui bawk.

Tezpur University Vice-chancellor Prof Mihir Kanti Chaudhuri chuan he sawihona hi a kaihruaiin, Central University 20 chuang leh hmarchhak college principal 70 an tel a ni.