AP-a ALG tichangtlung

AP-a ALG tichangtlung India chuan China laka inven nan Arunachal Pradesh-a Ziro leh Along hmuna Advanced Landing Grounds (ALG) chei ṭhat leh tihchangtlun chu a hawng. Air Marshal C Hari Kumar, Air Officer Commanding-in-Chief, Eastern Air Command chuan, ALG thawp ṭhat a, tihchangtlun a ni thei chu lawmawm a tih thu leh ALG-in hna alo thawh tawh thin chu India tan chhenfakawm zawk a ni tur thu a sawi. Vansang boruak venhim kawngah nasa takin min pui dawn a ni, helai hmunah hian airfield dang pawh dinbelh tum a nih thu a sawi bawk. Advanced Landing Grounds tihchangtlunna tura ruahmanna siamah hian Ziro leh Along bakah Tuting, Mechuka, Tawang, Pasighat, Walong leh Vijaynagar-a mite pawh telh an ni a, hemi atan hian cheng vaibelchhe 1,000 ruahman a ni bawk. Mechuka, Pasighat leh Tuting-a ALG te hi tun aṭanga thla thum hnuah hawn hman tum a nih bakah kum 2014 aṭanga thawh ṭan tawh Tawang-a mi chu kumin September hian hawn hman tum a ni bawk.