Rajya Sabha member thlang dawn

Assam state chuan March ni 21 hian Rajya Sabha Member of Par-liament (MP) tur thlanna a nei dawn.

Rajya Sabha inthlan neih tur atan hian candidate pathum te chuan nomination an file tawh a, March ni 14 thleng inhnuhdawh theih a ni ang.

Returning Officer tur Mrigendra Kumar Deka chuan Cingress party candidate pahnih Ripun Bora leh Ranee Narah bakah Independent candidate Mahavir Prasad Jain te chuan nomination an file chu pawm a nih tawh thu a sawi.

Assam hian Rajya Sabha MP pahnih an nei thei a, tling tur hian first preference vote-ah vote 39 tal an hmuh angai dawn a ni. Assam state-ah hian Congress party chuan sorkarna chelh mekin MLA 68 an nei a, AIUDF MLA pahnih chuan tun hnai khan Congress hi an zawm bawk. AGP chuan MLA pasarih an nei a, BJP-in paruk, BPF-in 12, AIUDF ten 16, Trinamool Congress-in pakhat an nei bakah Independent MLA pahnih an awm mek a ni. AIUDF chuan Rajya Sabha MP thlanah hian vote thlak an tum loh thu an tichiang tawh.