Bengal leh Assam-ah sipai dahbelh dawn

Tripura State Rifle mi 6000 vel chu West Bengal leh Assam-a assembly inthlan lo awm turah boruak ralmuang tak hnuaiah mipuiten vote an thlak theih nan venhim hna thawk turin dah belh an ni dawn.

Tripura State Rifle te hi Assam-ah venhimhna hi an thawk phawt dawn a, hemi zawh hian West Bengal-ah an duty leh dawn tih Inspector General of Police Anurag chuan a sawi. Sorkar laipui chuan Tripura hnenah hian venhimna kengkawh tur hian a lo ngen tawh a, March ni 28 hian sipai te hian Assam an thleng dawn a ni. West Bengal-ah hian April ni 4 aṭangin inthlan hi ṭan a ni ang a, May ni 5-ah zawh hman tura ruahman a ni. Heng inthlanna hmun turah te hian sorkar laipui chuan sipai engemaw zat a lo thawn lut tawh bawk.

Kum 2010-a Commonwealth Games New Delhi-a neih a nih tum khan Tripura State Rifle te hian venhimna lam an lo buaipui tawh bakah, Bihar, West Bengal, Assam, Madhya Pradesh, Rajasthan, Chhattisgarh, Jharkhand, Nagaland leh Mizoram state election-ah te an lo duty tawh bawk.

TSR battalion te hi counter-insur-gency bikah hian training pek an lo ni tawh a, an zinga za-a 75 te hi Tripura mi leh sa an ni a, a bak zawng hi chu India ram hmun hrang hranga mite an ni.