Nagaland-ah civilian traffic police diltu 157 awm

Nagaland-a Kohima Police-ten December 1-a Kohima police traffic sentinal scheme an hawn hnuaiah civil mi diltu mi 157 an awm tawh. 

He scheme hnuaiah hian traffic bawhchhiat dan chi hrang pasarih siam a ni a, civil traffic-te chuan traffic dan bawhchhiate chu report-in, an report aṭang hian point an hlawh a, hei hi a hnuah pawisaah chantir a ni. 

ASI Zhabounuo Zumi chuan scheme an siamah hian mi 20 an in-regiser tawh a, in-register zinga pakhat chuan traffic bawhchhiat chungchang report pakhat a thehlut tawh bawk. Hetih lai hian dan bawhchhiat chungchang report paruk thehluttute chu in register an ni lo a, in register lo chuan points hi an hlawh thei dawn lo a ni. 

Kohima police-te chuan he scheme hi mipuiten khawpui chhunga traffic dante ṭha zawka siam a nih theihna tura tha an thawh ve theihna tura a duan a ni. 

Officer in charge Khihilo Kath chuan CCTV camera kaltlanlgin traffic chu endik reng a ni tih a sawi a, khawpui chhung traffic dinhmun chu Kohima police social media account aṭangin working hours chhung chu mipuite hriattir ṭhin a ni. Hei bakah hian ni khatah vawi hnih chu 104 MHz FM Tragopan-ah sawilan a ni ṭhin bawk.