Hmarchhak bial tan internet ṭha zawk beisei

Prime Minister Narendra Modi leh Bangladesh Prime Minister Sheikh Hasina te chuan March ni 23 khian video conference kaltlangin hmarchhak bial tan internet chak ṭha zawk an tlangzarh dawn.He hunah hian Tripura Chief Minister Manik Sarkar pawh a tel tura beisei a ni.

Video confrence neih tur hi Thawhṭanni khan en chhin a ni a, National Informatics Centre (NIC) chuan buaipuiin New Delhi, Dhaka leh Agar-tala te a tlunzawm a ni. NIC lam chuan chuan enchhinna chu a hlawh-tling thawkhat tih an sawi a, darkar reilo te chhunga zawhfel a ni, an ti.

Kum 2014 khan hmar-chhak biala internet chak ṭha zawk hman a nih theih nan hian Bangladesh leh India palaite chu an lo indawr tawh. He mi atan hian May 2014 khan inremna thuthlung chu Bangladesh leh BSNL aiawh te chuan an lo ziak tawh a ni. Hei hian hmarchhak state Assam, Tripura, Meghalaya, Nagaland, Arunachal Pradesh, Manipur leh Mizoram te a huam ang. BSNL leh Submarine Cable Company Limited of Bangladesh (BSCCL) te chuan inremna an siam tawh a, he project atan hian BSNL chuan vaibelchhe 20 a hmang tawh a, thla tin vaibelchhe 7.2 chu BSCCL hnenah hian a pe ṭhin ang.

Hetih lai hian Bang-ladesh pawhin Tripura aṭangin power thahnem tak a chawlut ve mek bawk.